Гоце Георгиевски потпиша нов договор со Вардар

03 мај 2024 - 16:10

Македонскиот ракометар Гоце Георгиевски постигна договор со Вардар за продолжување на соработката на уште една сезона, каде што ќе има главна улога во пренесување на своето искуство и знаење на помладите играчи.

Георгиевски досега со Вардар стана шампион на Македонија, а ги освои пехарите и во Купот и Суперкупот, но настапи и во елитната Лига на шампиони (ЛШ).

„Знаеме колку значи искуството што го има во себе Гоце и среќни сме што прифати да биде уште една сезона дел од Вардар. Неговото искуство ќе биде од големо значење за играчите кои доаѓаат на сцената и кои сè повеќе се наметнуваат. Тој е расположен, освен што ќе игра, треба да го пренесе своето искуство на помладите колеги. Вардар е веќе стабилизиран, сериозен и нашите амбиции секогаш се победа и титули. Гоце е сè уште гладен за победување, исто како и Вардар и заедно ќе чекориме кон нови победи“, кажа извршниот директор на екипата, Борко Ристовски.

Поранешниот европски шампион сака да ги задржи најважните ракометари, но бара и нови засилувања за следната сезона.