Трајковски по победата на Хајдук: Најважно од сè е што освоивме три бода!
Трајковски во 12. минута го матира голманот на домашниот тим по асистенцијата на Јосип Брекало и му обезбеди три бода на Хајдук, а по мечот кажа дека е важно што клубот од Сплит им се вратил на победите по лошата серија.
„Ова беше навистина тежок натпревар. Доминиравме во првото полувреме, имавме шанси и за втор и трет гол, но не успеавме да постигнеме. На крајот најважно е што освоивме три бода. Еве веќе втор меч по ред ми асистираше Брекало, се надевам дека и јас ќе му се оддолжам со асистенција“, кажа Трајковски.
Хајдук е трет во лигата со 58 бодови, односно осум помалку од Динамо и 10 поени помалку од Риека.