Кошаркарите во НБА избраа: Јокиќ е МВП

22 април 2024 - 21:21

Американскиот портал Атлетик направи анонимна анкета во која учествуваше 141 кошаркар, а се однесуваше на добитникот на наградата за најкорисен играч во НБА сезонава.

Официјално, во конкуренција за престижното признание се Никола Јокиќ, Лука Дончиќ и Шеј Гилџес-Александер, а безмалку 42% од анкетираните одговориле дека наградата ја заслужува српскиот репрезентативец. Канадскиот кошаркар добил 36,9%, а за Дончиќ само 9,9%.

Интересно е тоа што 27,2% од кошаркарите гласале дека би го граделе тимот околу Јокиќ. Поголем дел од нив (27,9%) го избраа Виктор Вембанјама.